ತಂಬುಳಿಗಳು.

1) ಕೊತ್ತಂಬರಿ ಸೊಪ್ಪಿನ ತಂಬುಳಿ.

ಬೇಕಾಗುವ (೫-೬ ಜನರಿಗೆ) ವಸ್ತುಗಳು :- ಕೊತ್ತಂಬರಿ ೧ ಕಪ್, ಕಾಯಿತುರಿ ಅರ್ಧ ಕಪ್, ಹಸಿಮೆಣಸು ೨-೩, ಸಿಹಿಮೊಸರು ಅಥವಾ ಮಜ್ಜಿಗೆ ೪ ಕಪ್,ಉಪ್ಪು ೨-೩ ಚಮಚ, ಜೀರಿಗೆ ಕಾಲು ಚಮಚ, ತುಪ್ಪ ಅರ್ಧ ಚಮಚ, ಅರ್ಧ ಒಣಮೆಣಸು.

ವಿಧಾನ:- ಕೊತ್ತಂಬರಿ ಸೊಪ್ಪು ಬೇರು ಮತ್ತು ಬಲಿತ ದಂಟುಗಳಿಂದ ಬೇರ್ಪಡಿಸಿ, ಎಳೆಯ ದಂಟು ಮತ್ತು ಸೊಪ್ಪನ್ನು ತೆಗೆದು ತೊಳೆದುಕೊಂಡು, ಹಸಿಮೆಣಸು - ಕಾಯಿತುರಿ ಜೊತೆ ನುಣ್ಣಗೆ ರುಬ್ಬಿ. ಉಪ್ಪು ಮಜ್ಜಿಗೆ ಬೆರಸಿ, ತುಪ್ಪದಲ್ಲಿ ಜೀರಿಗೆ ಮತ್ತು ಒಣಮೆಣಸಿನ ಒಗ್ಗರಣೆ ಕೊಡಿ.